WANAMICHEZO UMISSETA WAPEWA ELIMU KUHUSU ATHARI YA DAWA ZA KULEVYA

Imewekwa tar.: June 20th, 2025

OR-TAMISEMI, Iringa

Wanamichezo wanaoshiriki Mashindano ya Umoja wa Michezo na Taaluma kwa shule za Sekondari UMISSETA, wamepewa elimu ya kuzuia na kujikinga na dawa za kulevya iliyotolewa wakati wa ufunguzi wa mashindano hayo yanayofanyika kitaifa Mkoani Iringa. 

Ufunguzi wa mashindano hayo umefanyika leo juni 20,2025 katika viwanja vya shule ya Sekondari Lugalo Manispaa ya Iringa,  ukiongozwa na Naibu Waziri wa Habari, Utamaduni, Sanaa na Michezo Mhe.Hamis Mwijuma.

Akizungumza na wanamichezo zaidi ya 3,000 Afisa Elimu Jamii mwandamizi

Mamlaka ya Kudhibiti na Kupambana na Dawa za Kulevya Kanda ya Nyanda za Juu Kusini Bi.Queen Komba amelielezea kundi la vijana kuwa moja ya makundi yaliyoko kwenye hatari ya kuingia kwenye matumizi ya dawa za kulevya.

Bi.Queen ameeleza kuwa Mamlaka ya kudhibiti na kupambana na Dawa za kulevya nchini inashirikiana na wadau mbalimbali kutoa elimu ya athari za dawa za kulevya, ndio maana wameamua kutumia jukwaa muhimu la michezo ili kuzungumza na vijana.

"Wanamichezo ni kundi ambalo lipo kwenye hatari ya kuingia kwenye matumizi na usafirishaji wa dawa za kulevya,Mamlaka inashirikiana na wadau mbalimbali ndio maana leo tupo hata kuongea na vijana ambao kundi kuazia miaka 15-35 wapo kwenye hatari za kuingia kwenye matumizi ya dawa za kulevya"

"Niwasisitize vijana mliopo hapa kuwa ukianza kutumia dawa za kulevya hutaacha, na moja ya athari zake ni kupata tatizo la Afya ya akili na mfumo mzima wa mwili sambamba na kupunguza nguvu kazi ya Taifa" ameeleza Bi.Queen Komba.

Mashindano ya UMISSETA 2025 yamefunguliwa rasmi leo juni 20, 2025 yakihusisha wanamichezo kutoka mikoa 28 nchini na yanatarajiwa kuhitimishwa June 29,2029.