WADAU WA ELIMU WAKUTANA KUFANYA TATHMNI YA ELIMU NCHINI

Imewekwa tar.: September 19th, 2022

OR - TAMISEMI

Katibu Mkuu Ofisi ya Rais Tawala za Mikoa na Serikali za Mitaa Prof. Riziki Shemdoe  ameungana na timu ya Ufuatiliaji wa Kisekta, Wizara ya Elimu,  Sayansi na Teknolojia pamoja na wadau wa Elimu nchini ili kufanya  kufanya tathmini ya masuala ya  elimu nchini.

Timu hiyo imekutana jana tarehe 19  Septemba, 2022 jijini Arusha kwa  lengo la  kufanya tathmini ya kina kuhusu matumizi ya TEHAMA katika shule za msingi na sekondari.

Prof Shemdoe anaendelea kufafanua kuwa  tathmini hiyo itawahusisha wanafunzi, walimu, wazazi na kamati pamoja na Bodi za shule  kwenye shule zinazo tumia TEHAMA na zile ambazo hazitumii ili kuona kama kuna manufaa ya matumizi ya TEHAMA kwenye kuboresha Elimu na ujifunzaji.

Ametoa wito kwa shule na wadau watakao tembelewa kuhakikisha wanatoa  taarifa sahihi ili kuiwezesha Serikali kuona namna bora ya kuboresha namna ya ujifunzaji  katika shule za Umma.

Kabla ya kuanza vikao hivyo vya tathmini, Prof Shemdoe  alikutana na Menejimenti ya Halmashauri ya Jiji la Mbeya na kusisitiza umuhimu wa  kufanya kazi kwa bidii, hasa kwenye  ukusanyaji wa mapato ya ndani na kuhakikisha wanapeleka fedha hizo  kwenye miradi ya maendeleo ili ziwanufaishe  wananchi.

Pia amewasisitiza wajumbe wa  Menejimeti ya Halmashauri ya Jiji la Arusha na Mamlaka nyingine za Serikali za Mitaa kuhakikisha wanajibu hoja za ukaguzi na kwamba suala la ukusanyaji wa mapato na kujibu hoja za ukaguzi ziwe agenda za kudumu katika vikao vuao.

Prof. Shemdoe amewaelekeza   wajumbe wa Menejimenti hiyo kuwa watumishi wanapohamishwa kutoka  kituo kimoja kwenda kituo kingine si adhabu bali  wanahamishwa kwenda kuongeza nguvu ya utendaji kwenye kituo kingine ili kuwatumikia wananchi.