GOAL BALL YAANZA UMISSETA 2025, WASHIRIKI WAZIDI KUONGEZEKA 

Imewekwa tar.: June 21st, 2025

Mchezo wa Goli maarufu kama Goal ball, umeanza kushindaniwa katika mashindano ya Umoja wa Michezo na Taaluma Tanzania kwa Shule za Sekondari kitaifa Iringa.

Katika Michezo iliyofanyika Juni 21,2025 kwenye ukumbi wa Shule ya Sekondari Lugalo, Timu ya Mkoa wa Arusha iliishinda Ruvuma kwa jumla ya magoli 12-9.

Mchezo mwingine Morogoro iliifunga Geita 10-0, Dodoma ikaifunga Dar es Salaam 10-0 na baadae Morogoro Wasichana ikaifunga Singida Magoli 15-5.

Mratibu wa mchezo wa Goal Ball Peter Shija, ameeleza kuwa mwaka huu kumekuwa na ongezeko za timu zinazoshiriki ikilinganishwa na miaka iliyopita ambapo washiriki walikuwa wachache.

Ameeleza kuwa kwa upande wa Wasichana mwaka huu kuna mikoa 15 inayoshiriki, na Wavulana kuna uwakilishi wa Mikoa 16,jambo linaloashiria ongezeko la washariki.

"Mwaka huu ni tofauti sana, hata washiriki wameongezeka, mfano kwenye makundi miaka iliyopita tulizoea kuwa na makundi mawili lakini mwaka huu yameongezeka hadi manne" ameeleza Shija.